Protesta që zgjati për rreth tri orë përpara godinës së Kryeministrisë, është zhvendosur tanimë drejt Parlamentit. “Të gjithë drejt zonës ku strehohet krimi. Të gjithë pas liderit të opozitës.” – u bëri thirrje protestueve ish-deputeti i Partisë Demokratike, Flamur Noka.
Përplasjet dhe tensionet nuk kanë munguar as në protestën e sotme të katërt kombëtare të opozitës së bashkuar.
Nga përleshjet mes forcave të rendit të vendosura përgjatë perimetrit të sigurisë në godinën e Kryeministrisë, kanë mbetur të plagusur një efektiv policie dhe një qytetar protestues.
Me mijëra përkrahës të kampit opozitar janë mbledhur në Bulevardin “Dëshmorët e Kombit”, në sheshin para institucionit qeveritar, duke drejtuar thirrjet “Rama Ik”, “E duam Shqipërinë si gjithë Evropa” apo “Shqiptarët e bashkuar kanë për të fituar”.
