Ambasada Amerikane në Tiranë ka reaguar lidhur me përplasjet mes forcave policore dhe protestuesve para godinës së Parlamentit. Përmes një qendrimi zyrtar të shprehur në sajë të një postimi në faqen zyrtare në “Facebook”, Ambasada u bën thirrje palëve të tregojnë vetëpërmbajtje, duke dënuar aktet e dhunës të shpërfaqura gjatë protestës së sotme.
“Ambasada e SHBA dënon dhunën e pranishme gjatë protestës së sotme. Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit.
Dhuna është thelbësisht jodemokratike dhe duhet të ndalojë. Drejtuesit e protestës kanë përgjegjësinë të nxisin qetësi. Iu bëjmë thirrje të gjitha palëve që të tregojnë vetëpërmbajtje”, - shkruhet në postimin e Ambasadës .
