Një tjetër ngjarje e rëndë tronditi këtë të premte Vlorën. Në zonën më të populluar, Lungomaren nga dy automjete u hapën zjarr drejt njëra – tjetrës. Për pasojë u plagos lehtë në këmbë një kalimtar i rastit. Birime nga policia lokale thanë se dyshohet se atentati kishte si objektiv djalin e një biznesmeni të njohur në këtë qytet. Bëhet fjalë për Ines Hajrulla, djali i biznesmenit vlonjat, Robert Hajrulla.
Sipas Vizion Plus, 27-vjeçarit i është bërë atentat në nëntor 2017, teksa iu tritol në makinë po në lagjen ”Hajro Çakërri”. Ai humbi të dyja këmbët duke vendosur proteza, po shpëtoi. Pas ngjarjes ai u arrestua, pasi policia i gjeti një armë pa leje. Burimet policore thanë në atë kohë se shkak për atentatin me tritol ishin mosmarrëveshjet me një grup tjetër pas humbjes së një ngarkese me hashash në Itali.
[caption id="" align="alignnone" width="640"]
Atentati me tritol[/caption]
Ines Hajrulla është një person me precedentë penale. Në kartelat e policisë rezulton se i riu ka qënë i arrestuar në dhjetor 2016 për armëmbajtje pa leje. Ai ka qenë i dyshuar edhe për djegien e automjetit të një efektivi policie në Vlorë.
Ai ka lidhje me grupin “Llanaj” të përfshirë në konflikte me vrasje ne Vlorë. Po ashtu ai ka qenë shok me Edison Harizajn, i vrarë gjithashtu në vitin 2018. Sipas gazetës Panorama, nga ana tjetër, ai ka qenë i dyshuar edhe për një grabitje me armë, po në Vlorë, por pas arrestimit u la i lirë për mungesë provash. Vitin e kaluar ai pati sërish probleme me policinë, pasi u mor në pyetje në lidhje me zhdukjen e Elvis Troqes.
Djalit të biznesmenit, në serinë e ngjarjeve të rënda në këtë qytet, i është vrarë në atentat afër Ujit të Ftohtë edhe kushëriri Renato Omeri. Edhe në atë rast Ines Hajrulla shpëtoi nga atentati, teksa persona të paidentifikuar goditen me armë drejt makinës ku ishte djali i biznesmenit.
