Ambasadorët e shteteve të Quintit (SHBA-të, Britania e Madhe, Franca, Italia dhe Gjermania), i kanë bërë thirrje presidentit të Serbisë, Aleksandër Vuçiç, që të tregojë vetëpërmbajtje dhe përgjegjësi për zgjidhjen e konfliktit me Kosovën, me qëllim rivendosjen e dialogut dhe normalizimin e marrëdhënieve dypalëshe.
Në një takim të zhvilluar në ditën e sotme, ku ka qenë e pranishme edhe Përfaqësuesja e Lartë e Bashkimit Evropian për Politikën e Jashtme dhe Sigurinë e Përbashkët, Federica Mogherin, Vuçiç ka dhënë garancinë se pala serbe do të rifillojë bisedimet me ndërmjetësimin e Unionit, sapo Prishtina zyrtare të shfuqizojë taksën prej 100 % kundrejt mallrave dhe produkteve me origjinë nga Serbia.
Mësohet se gjatë bisedës që është mbajtur me dyer të hapura, kreu i shtetit serb ka diskutuar me ambasadorët për Samitin e Berlinit, që mblodhi të hënën e kaluar liderët e gjashtë vendeve të Ballkanit Perëndimor për një takim informal me kancelaren gjermane, Angela Merkel dhe presidentin francez, Emmanuel Macron.
