Sekretari amerikan i Shtetit, Mike Pompeo, kreu ditën e djeshme një ndalesë të paplanifikuar në kryeqytetin e Irakut, Bagdad.
Kjo vizitë e beftë e zyrtarit të lartë amerikan, pas anulimit të udhëtimit të parashikuar drejt Berlinit, u motivua nga tensioni që shkaktoi dislokimi i një luftanijeje amerikane në rajon, që u cilësua nga pala iraniane si një reagim ndaj kërcënimeve mbi forcat amerikane dhe aleatët e SHBA-së.
Më herët, u njoftua se SHBA-të do të dërgonin edhe bombarduesit B-52 në rajon. Këshilltari për Sigurinë Kombëtare, John Bolton, e komentoi masën për dislokimin e luftanijes amerikane si një reagim ndaj një numri të dhënash dhe paralajmërimesh shqetësuese, që kanë çuar në përshkallëzimin e marrëdhënieve të Irakut me Iranin.
