Lulzim Basha u takua sot me demokratë në Vaun e Dejës, ku deklaroi se nga qëndresa në protestën e 11 majit do të varen 5, 10 apo 15 vitet e ardhshme të vendit.
“Nga vendosmëria juaj, nga qendresa juaj, nga forca juaj, nga kurajo juaj varet sesi do të përfundojë kjo betejë. Në këto javë që vijnë, duke nisur nga 11 maji, do të varen ndoshta 5, 10 apo 15 vitet e ardhshme të Shqipërisë”,- u shpreh Basha.
“100 milionë euro në vit, aq jep Maqedonia, aq jep Kosova. Ju jap fjalën para Zotit, asnjë cent më pak nuk do të japë Shqipëria për fermerët e saj me qeverisjen e Partisë Demokratike”,- premtoi Basha ndër të tjera.
Pavarësisht se tha që pa opozitën s’do ketë zgjedhje, kryedemokrati Basha u shpreh se demokratët nuk e lëshojnë Bashkinë e Vaut të Dejës. “Ju them sot në emrin tuaj e në emrin tim, as mos e çoni në mend Bashkinë e Vaut të Dejës. Fitore”.
