Gjykata e Krimeve të Rënda ka vendosur për lirimin e Denis Brajoviçit dhe të Klaudio Hoxhalliut, të arrestuar shtatorin e kaluar si anëtarë të grupit “Bajri”.
Sipas instancës së gjykimit, nuk ka prova për të faktuar se Brajoviçi dhe Hoxhallliu kanë qenë të përfshirë në veprimtari kriminale, apo për të mbështetur akuzën e “Përkrahjes së autorit”. Të dy të liruarit do t’i nënshtrohen masës “arrest shtëpie”. Vlen për t’u kujtuar se Hoxhalliu ishte pronari i ambientit ku u arrestua Safet Bajri, i konsideruar si “koka” drejtuese e grupit.
Anëtarët e grupit “Bajri” akuzohen për disa vepra të rënda penale, siç janë: trafiku i drogërave, gjobvënia, vrasja, apo shantazhi.
Më herët, Krimet e Rënda ndryshuan masën e sigurisë nga “arrest me burg” në “arrest shtëpie” edhe për Emrah Plakun, një prej të arrestuarve si pjesë e bandës kriminale.
