Ditën e sotme ishte parashikuar një takim mes sekretarit amerikan të Shtetit, Mike Pompeo dhe kancelares gjermane, Angela Merkel. Pompeo ka anuluar takimin duke e shtyrë për më vonë për shkak të disa çështjeve, të cilat ai i ka cilësuar si të ngutshme.
“Ne shpresojmë që të riprogramojmë këtë grup të rëndësishëm takimesh”, u shpreh ai.
Pompeo ndoqi një takim të Këshillit të Arktikut në Finlandë ku diskutoi për zhvillimin rajonal, “zgjerimin ushtarak rus” dhe “investimet kineze”, midis temave të tjera gjatë një fjalimi në të cilin ai e përshkroi Arktikun si “një arenë e fuqisë dhe konkurrencës globale”.
