Një tërmet i fuqisëhm me magnitudë 7.2 ballë është regjistruar në brigjet e Papua Guineas së Re, në jug-perëndim të Paqësorit.
Lajmin e jep Instituti Gjeofizik amerikan. Nuk ka asnjë alarm për cunam pas tërmetit të fuqishëm.
Sipas institutit të mësipërm epiqendra ka qenë në 127 km thellësi dhe ky fakt ka përjashtuar rrezikun e dallgëve të pazakonshme në oqean.
Lëkundjet janë regjistruar në orën (7:19 ora lokale e të martës) (23:19 me orën tonë të së hënës).
Tërmeti është lokalizuar në një zonë të Paqësorit rreth 33 kilometra në veri-perëndim të Bulolo. Për momentin nuk ka lajme për dëme apo viktima.
