Duke nisur nga sot, datë 6 maj, për një muaj rresht, besimtarët myslimanë të mbarë botës shënojnë muajin e shenjtë të Ramazanit.
Muaji i Ramazanit shënohet nga cikli hënor dhe ky vit caktoi që ky muaj të nisë nga 6 maji. Ramazani zhvillohet gjatë muajit të nëntë të kalendarit islamik, raporton BBC.
Besimtarët myslimanë besojnë se Kurani iu zbulua për herë të parë Profetit Muhamed gjatë këtij muaji. Shumë myslimanë do të agjërojnë gjatë këtyre 30 ditëve, që do të thotë se do të sakrifikojnë ushqim dhe ujë për disa orë, në shenjë nderimi ndaj Zotit.
