Edhe njëri prej arkitektëve më të mëdhenj italianë, Stafano Boeri ,hartuesi i planit urbanistik të Tiranës, nuk i shpëton aplikimit të dy standarteve kur flet për Shqipërinë. Një një intervistë në Report TV për gazetaren Alba Malltezi, ai ai është shprehur më shumë pro prishjet se godinës së Teatrit Kombëtar sesa ruajtjes së saj. megjithëse ndryshe nga sharlatanët shqiptarë ai e ka vlerësuar arkitekturën e paraardhësit të tij Berte ai e ka përligjur ngritjen e teatrit të ri në emër të sakrificave që duhen bërë për të ardhmen. Ja si ka flolur ai në intervistë: “Besoj se një metropol i madh, një qytet i madh duhet ndonjëherë të sakrifikojë një pjesë të së shkuarës së tij nëse e ardhmja i garanton një hap më përpara. Në këtë rast specifik edhe pse e konsideroj arkitekturën e Berte’-së një akritekturë cilësore, të fisme, unë besoj se projekti i Bjarke Ingels është një projekt i një cilësie shumë të lartë, të një interesi të madh. Mendoj se është legjitime që qyteti ta pranojë këtë sfidë. Natyrisht janë operacione që shkaktojnë gjithnjë pakënaqësi, sepse është e natyrshme që të jetë kështu. Kur ndryshohet një pjesë e historisë për të ndërtuar diçka që është totalisht e ndryshme, preket memoria individuale e të gjithëve, prandaj duhet shumë respekt, respekt i madh. Eshtë një veprim që duhet ndarë, duhet hapur debat, duhen pranuar polemikat, pastaj është përgjegjësi e kujt qeveris qytetin të bëjë zgjedhjen”.
Intervista e plote ne Report TV Ketu
Por, kur ka ardhur puna që në vendin e tij është pyetur për stadiumin e ri që mund të ngrihet në Milano, në vend të San Siros, Boeri si një tifoz i zjarrtë i Interit ka aplikuar një standart tjetër. Ai nuk e ka vënë theksin tek sakrifica por tek mundësia e konservimit. "Kam qenë gjithnjë i idesë se duhet bërë gjithçka që të ruhet San Siro" ka deklaruar ai në një interviste për fcinter.it Ai ka dhënë edhe zgjidhjen që stadiumi i vjetër të ruhet duke bërë një anë për tifozët e Milanit dhe anën tjetër për atë të Interit.
Intervista e plote ne italisht ketu
Pra megjithëse me kujdesin e një profesionisti ai mundohet të mos jetë kategorik, duket qartë që në dy intervistat, kur bëhet fajë për qytetin e tij, ai prediokon ruajtjen, ndërsa kur bëhet fjala për qytetin tonë ai justifikon sakrificën.
Kjo nuk është hera e parë që ndosh kështu me artistët e importuar nga Rama në Tiranë të cilët në Shqipëri adaptohen me parrullën "Buono per Albania".
Studioja e Boerit që tani është hapur edhe në Tiranë është paguar për projektimin e disave prej kullave të reja që do të ngrihen në kryeqytet.
©Lapsi.al
