Numri i palestinezëve të vrarë nga sulmet izraelite, në përgjigje të zjarrit raketor nga Rripin e Gazës, ka shkuar në 25 persona. Kjo u njoftua nga Ministria e Shëndetësisë në Gaza, duke shpjeguar se midis vdekjeve të fundit në veri të enklavës palestineze ekziston edhe një grua e dytë shtatzënë.
Kryeministri i Izraelit, Benjamin Netanyahu, tha të dielën se ka urdhëruar ushtrinë për sulme të mëdha kundër militantëve në Gaza, derisa po vazhdon rritja e armiqësisë për ditën e tretë në kufirin që ndanë dy vendet. Një sulm ajror nga Gaza la të vrarë një civil izraelit të dielën, derisa dy palestinezë të armatosur u vranë nga sulmet ajrore të Izraelit.
Ushtria e Izraelit tha se të paktën 450 raketa kanë pasur për cak qytetet jugore të Izraelit dhe kanë sulmuar 220 caqe të grupit militant të Gazës. Raundi i ri i dhunës filloi dy ditë më parë kur një snajperist i xhihadit islamik, qëlloi trupat izraelite duke lënë të plagosur dy ushtarë.
Shpërthimi i luftimeve vjen pasi liderët e Hamasit, grup militant që kontrollon Gazën, dhe një grup i vogël islamik ishin në bisedime në Egjipt për të arritur armëpushim. Tensionet janë rritur ditëve të fundit pas dyshimeve nga Hamasi se Izraeli po e vonon implementimin e armëpushimit të dakorduar.
