Adele mbushi 31 vjeç ditën e djeshme dhe e festoi si asnjëherë më parë ditëlindjen e saj në Beverly Hills. Këngëtarja e njohur kishte zgjedhur vilën 135 milionë dollarëshe për ditën e saj, vilë në të cilën është xhiruar edhe filmi i famshëm “Godfather”, një rezidencë fantastike prej 29 dhomash.
Për të dytin vit radhazi Adele zgjodhi filmin e Leonardo DiCaprio për party-n e saj. Në vitin 2018 ajo zgjodhi si tematikë filmin e famshëm “Titanik”, me protagonist po ashtu aktorin DiCaprio dhe ku vetë Adele u vesh si Kate Winslet.
Adele nuk nguroi të ndante disa foto nga ditëlindja e saj ku tregonte fustanin tipik të viteve 1920 dhe flokët kaçurrela.
Madje Adele dha edhe një mesazh, në formën e një reflektimi për të gjithë ndjekësit e saj:
“Të 30-tat më vunë në provë të vështirë, por unë po ia dal dhe po jap më të mirën time. Nuk ka rëndësi sesa jemi në këtë botë, jeta është e ndërlikuar gjatë gjithë kohës. Kam ndryshuar drastikisht vitet e fundit, prapë po ndryshoj dhe kjo është ok. Të qenit 31, do të thotë një vit i madh për mua dhe do ia dedikoj të gjithën vetes. Lini mënjanë telefonin dhe qeshni me çdo mundësi që ju jepet. Mësoni të doni realisht veten tuaj”, u shpreh Adele në mesazhin e saj të gjatë”.
Ylli i muzikës konfirmoi ndarjen nga ish-bashkëshorti Simon muajin që lamë pas. Megjithatë çifti që u njoh në vitin 2011 dhe u martuan në fshehtësi 5 vite më vonë kanë konfirmuar se do ta rrisin me shumë dashuri djalin e tyre Angelo.
