Lajmi u bë i ditur nga mediat turke, të cilat e kanë marrë informacionin nga Dr. Caglar Cuhadaroglu, doktori i një spitali privat në Stamboll, ku djali i çifit të njohur erdhi në jetë, në orën 5:12 të mëngjesit. Pesha e tij është 3 kilogramë e 285 gramë, është i gjatë 50 centimetra dhe lindja ka shkuar pa asnjë problem.
Ashtu siç Almeda e kishte zbuluar dhe më parë, emri që ajo dhe Tolga kanë zgjedhur për djalin e tyre është: Efehan. Kujtojmë që shtatëzania e ish-Miss Shqipëria 2008, ka qenë një nga “pritjet e ëmbla” më të komentuara të showbiz-it shqiptar, kjo edhe për shkak se vetë Abazi nuk ka nguruar që të zbulojë shumë detaje nëpërmjet postimeve në rrjetet sociale, sidomos në Instagram.
