Një zënkë mes Hayden Panettiere dhe partnerit të saj, Brian Hickerson, ka konfirmuar shqetësimet e të afërmve se aktorja po përjetonte dhunë nga partneri i saj.
Brian Hickerson, u mbajt në arrest në dyshime për dhunë ndaj partneres së tij ditën e enjte, për t’u lënë i lirë pak orë më vonë pasi pagoi 50 mijë dollarë. Sipas “TMZ”, besohet se Hickerson sulmoi Hayden-in, gjatë një debati.
Ka kohë që miqtë dhe të afërmit e aktores shfaqin shqetësime në lidhje me marrëdhënien mes tyre. Në dhjetor Hickerson, aktor në disa filma me buxhet të vogël, mohoi publikisht akuzat ndaj tij se ushtronte dhunë fizike dhe psikologjike ndaj Hayden Panettiere-it.
Është hera e dytë që Brian ndalohet me dyshimin se ka ushtruar dhunë mbi të afërmit. Në tetor, ai u mor në pyetje nga policia pas një sherri me të atin.
Marrëdhënia mes Hayden dhe Brian ka nisur në gusht të vitit të kaluar, kurse në nëntor ai i bëri një propozim- shaka aktores duke u ulur në gjunjë dhe duke iu drejtuar me emrin e aktores së “50 Hijeve të Greit”:
“Dakota Fanning, a do të martohesh me mua?”
