Sipas të dhënave të publikuara nga filiali i Organizatës Botërore të Shëndetësisë në Libi, 376 persona numërohen të vdekur dhe 1822 të tjerë kanë mbetur të plagosur deri më tani, që prej ofensivës së nisur më datë 4 prill nga komandanti ushtarak, Khalifa Haftar, për marrjen e kontrollit të Tripoli-t prej qeverisë së kryeministrit Fayez al-Serraj, që gëzon mbështetjen e Organizatës së Kombeve të Bashkuara.
Rreth 45.200 mijë libanezë janë zhvendosur deri më tani nga zona e luftimeve përreth kryeqytetit të vendit. Ndërkohë, shpopullimi i epiqendrës së përleshjeve po vazhdon pa ndalur, ka njoftuar zëdhënësi i Organizatës së Kombeve të Bashkuara, Rheal Leblanc-u. Leblanc-u raporton se krahas të zhvendosurve, rreth 8 mijë libanezë kanë mbetur të bllokuar në zonat e prekura nga konflikti.
Autoriteti i qeverisë së Al-Serraj nuk njihet nga aleatët e gjeneralit Haftar të administratës paralele në lindje të Libisë, në qytetin Tobruk. Jeta politike në Libi është karakterizuar nga dhuna dhe paqëndrueshmëria e theksuar politike që prej rrëzimit nga pushteti dhe vrasjes së sunduesit Muammar Gaddafi në vitin 2011.
