Vendi ynë ka zgjedhur jurinë që do vlerësojë me pikë këngët e artistëve në “Eurovision”. Votimet do të prezantohen natën finale të festivalit europian të këngës, 18 maj, kur do shpallet edhe fituesi.
Këtë vit, juria e vendit tonë përbëhet nga Anxhela Peristeri, Dilan Reka, Eranda Libohova, Gent Rushi dhe Julka Gramo. Shqipëria do të përfaqësohet nga Jonida Maliqi me këngën “Ktheju tokës”. Vota e jurisë shqiptare do të bazohet tek vokali, performanca, paraqitja, skenografia, elementet e tjera muzikore, si dhe do kombinohet me votën e publikut përmes mesazheve.
