21-vjeçari nga Kosova, Kushtrim Hoti, është shpallur në kërkim nga policia gjermane, pasi duke bërë gara me makina me mikun e tij, ka aksidentuar një grua.
Madje, mediat gjermane publikuan edhe foto të të riut nga Kosova. Duke qenë se i riu nuk qëndroi në vendngjarje, ekziston mundësia që ai të jetë arratisur larg Gjermanisë.
Hoti dhe një bashkëmoshatar po bënin garë në Bismarckstraße, kur 21-vjeçari, në tentativë për të kaluar shokun “rival”, përplasi gruan 43-vjeçare.
Ajo vdiq në spital si rrjedhojë e plagëve. 43-vjeçarja qëndroi 3 ditë në spital, derisa ndërroi jetë.
