Cakaj: Merkel mbështet hapjen e negociatave
Rama takon Merkel në Berlin, bisedë për reformën në drejtësi dhe negociatat me BE-në
Pra shtrohet një pyetje: nëse sikurse thotë ministri nga Prishtina "Angela Merkel konfirmoj edhe një herë mbështetjen absolute të Gjermanisë për çeljen e negociatave për anëtarësim të Shqipërisë në BE", a nuk do të theksohej kjo me forcë edhe në njoftimin për shtyp të kryeministrisë?
Deri sa selia e shefit të qeverisë nuk e ka bërë këtë ndrihen dy dyshime: Ose me mungesën e tij të përvojës Gent Caka nuk ka kuptuar asgjë, ose në të kundërt edhe njëherë Rama po e përdor mëkëmbësin e tij për motive propagandistike ashtu sikurse bëri me luftën kundër nepotizmit në diplomaci, apo me targat e konsujve të nderit. Duke parë edhe deklaratat që radioja publike gjermane Deutcshe Welle bëri pas takimit, më shumë gjasë ka që të jetë kjo e dyta.
Sepse DW konfirmoi edhe njëherë se: "zgjerimi i BE-së nuk është temë bisede në Berlin. Qarqet diplomatike nga Berlini rikonfirmojnë për DW se Franca nuk dëshiron ta zërë fare në gojë çështjen e zgjerimit të BE-se në prag të zgjedhjeve për Parlamentin Evropian, që do të mbahen në fund të majit".
Po sipas kësaj mediaje edhe vetë "Merkel nuk mund të marrë asnjë vendim pa miratimin e Bundestagut. Siç mësoi DW nga qarqet politike pranë CDU-së, afati kohor që nga publikimi i raportit të progresit të BE-së, më 29 maj deri në samitin e BE-së në qershor, nuk mjafton për të marrë një vendim për çeljen e negociatave. Burime nga CDU/CSU i thanë DW-së vendimi i tyre do të shtyhet në shtator".
Kjo ndoshta është edhe arsyeja se pse shefi i tregua i "matur" dhe vartësi i tij Cakaj u "rëmbye" me urdhër.
©Lapsi.al
/
