Pas ofendimeve të njëpasnjëshme e thumbimeve me vargje këngësh, një ditë më parë, reperja Melinda pushtoi mediat rozë falë dedikimit që i bëri në rrjetet sociale koleges së saj Tayna-s, së cilës i kërkoi falje për gjuhën e përdorur ndaj saj.
Mirëpo, fjalët e saj duket se nuk i bënë shumë përshtypje reperes së hitit “Columbiana”, e cila jo vetëm që nuk i ktheu përgjigje publikisht, por nëpërmjet menaxherit të saj u shpreh për “Prive.al” se nuk e pranonte faljen dhe s’kishte asgjë për t’ i thënë Melindës (lexo këtu).
Ky reagim i Tayna-s duket se ka vënë në provë të fortë sedrën e Melindës, e ciila ditën e sotme, praktikisht i ka rihapur luftë koleges, duke ndryshuar kryekëput qëndrim.
“Provova të jem e sjellshme, ma morën për dobësi. Duhet të rikthej bishën, kjo është e vetmja gjuhë që ata kuptojnë!”-ka shkruar në postimin e fundit në Instagram Melinda, duke lënë qartazi të kuptohet se ofendimet dhe diss-et ndaj Tayna-s jo vetëm që nuk do të mbarojnë, por me shumë gjasa do të përkeqësohen.
Pra le të themi se një “po jeni shoooqe mi…”, me shumë mundësi nuk do të funksionojë.
