Gjatë mbrëmjes së ditës së djeshme një gazetare 29-vjeçare ka mbetur e vrarë në Irlandën e Veriut.
Gazetarja Lyra McKee punonte si redaktore në median online "Mediagazer", me qendër në Belfast, sipas agjencisë Janklow.
Puna e saj përfshinte ekzaminim e incidenteve të dhunës në Irlandën e Veriut, dhe ajo është përshkruar shpeshherë si një yll në ngjitje në gazetarinë investigative.
Ndërkohë policia po e trajton ngjarjen si një sulm terrorist.
Shërbimet e policisë në Irlandën e Veriut konfirmuan se një grua mbeti e vrarë në Creggan, zonën e Derry, po ata nuk arritën ta identifikonin menjëherë viktimën.
“Më keqardhje mund të konfirmoj se gjatë të shtënave mbrëmjen e sotme në Creggan, një 29-vjeçare ka mbetur e vrarë. Po e trajtojmë ngjarjen si një incident terrorist dhe po nisim hetimet në lidhje me ngjarjen", thanë burime zyrtare nga policia.
