Katër persona janë plagosur ditën e sotme pasi një rrufe goditi kodrën e Akropolit në Athinë gjatë një stuhie, njofton media greke “Kathimerini”.
Sipas të dhënave paraprake, rrufetë kanë goditur pjesën e dritareve në kabinat e biletave në hyrje të vendit të lashtë, duke plagosur dy punonjës të Ministrisë së Kulturës dhe dy turistë.
Një ambulancë u thirr menjëherë dhe transportoi të plagosurit në spital.
Shërbimi Kombëtar Meteorologjik i Greqisë (EMY) lëshoi një raport të emergjencës sot, duke paralajmëruar më shumë stuhi dhe breshër në mbrëmje.
