Këngëtarja e njohur Beyonce i ka suprizuar të gjithë fansat duke i njoftuar papritmas për filmin “Homecoming” që do të transmetohet në platformën Netflix.
Ky film që do të jetë në kuadrin e një dokumentari për sukseset e Beyonces në fushën e muzikës, por jo vetëm, do të publikohet sot më 17 prill. Këngëtarja ka ndarë disa copëza nga dokumentari që pritet të marrë vëmendjen e të gjithëve. Ylli i muzikës ka publikuar në të njëjtën kohë projektin me 40 këngë në bashkëpunim me ‘Coachella 2018’.
Këngëtarja e cila ka shitur mbi 100 milionë albume në të gjithë botën është në kulmin e karrierës së saj. Fansat shprehen shumë të entuziasmuar, prandaj s ‘na mbetet gjë tjetër veçse të presim mbrëmjen ndoshta, për të parë “Homecoming”, një dokumentar që zgjon kureshtjen e të gjithëve.
