Në portin e Maltës është kapur një sasi kokaine me destinacion Shqipërinë. Sipas mediave vendase, sekuestrimi i kokainës me vlerë 10.3 milionë euro është bëra nga Departamenti i doganës. Në total policia zbuloi 91.25 kg kokainë të fshehur brenda 3 kontenierëve në Freeport.
Nga hetimi rezultoi se kontenieri i parë dhe i tretë kishin mbërritur në Maltë nga Amerika e Jugut dhe do të vazhdonin rrugën drejt Durrësit, në Shqipëri. Ndërsa kontenieri i dytë, gjithashtu nga Amerika e Jugut, do të nisej drejt Selanikut të Greqisë.
Nga peshimi, doli se në kontenierin e parë kishte 20 pako kokainë me peshë 24 kg, në vlerë prej 2.7 milionë euro, në të dytin ishin 40 paketime me peshë 48 kg në vlerë 5.4 milionë euro.
