Ajaks nesër do të përballet me Ekselsior përpara ndeshjes së kthimit ndaj Juventus dhe Mathijs de Ligt për NuSport nuk është fshehur pas fjalëve, duke treguar ambicjet në një sezon shumë të rëndësishëm, e që për më tepër mund të jetë i fundit në Amsterdam: “Jemi më në fund në krye tani dhe çdo gol është i rëndësishëm. Ndaj Ekselsior nuk bëhet fjalë vetëm për të fituar, por kjo nuk ndryshon shumë për ne: duam të shënojmë shumë gola dhe si zakonisht i'a arrijmë, pra nuk shoh asnjë motiv për t’i bërë gjërat ndryshe".
Kapiteni i Ajax, një nga pedinat kryesore të skuadrës hollandeze, nuk ka ndërmend të ndalet, për të shmangur rrezikun e ndonjë dëmtimi, në vigjilje të ndeshjes së kthimit në Torino kundër bardhezinjve: "Preferoj të luaj në numrin më të madh të ndeshjeve të mundshme. Në këtë sezon kemi zhvilluar rreth 50 ndeshje, disa shumë të vështira, ndaj skuadrave të rëndësishme, por mendoj që tani kemi më shumë vazhdimësi" u shpreh 19 vjeçari.
Në Johan Cruijff Arena hollandezët e vunë në një provë të vështirë Juventus, pavarësisht se rezultati 1-1 favorizon tashmë kampionët e Italisë në sfidën e kthimit: "Mendoj që mund të jemi krenar, kemi krijuar shumë raste ndaj një skuadre të rëndësishme si Juventus, por rezultati nuk është i shkëlqyer, por është më mirë se sa ndeshja shtëpiake ndaj Real Madrid ku dolëm të mundur 2-1. Ndaj Juventusit duhet të bëjmë një tjetër hap, por përpara duhet të mundim Ekselsior”.
