Ava Max po kthehet shpejt në një nga artistet më të suksesshëm. Pak ditë më parë ajo publikoi këngën e saj të re me titull ‘So Am I’ dhe duket se është pritur po aq mirë sa dhe hiti i saj ‘Sweet but Psycho’.
Ditën e sotme, Ava ka dhënë një lajmërim shumë të rëndësishëm për fansat e saj. “Do të performoj në ‘The Ellen Show’ nesër. Më ndiqni”, ka shkruar ajo duke zbuluar se do të jetë e ftuara speciale në një nga emisionet më të ndjekur në botë. Në postim nuk kanë munguar dhe komentet e fansave, të cilët duken se janë shumë të emocionuar për këtë performancë. Kujtojmë se së shpejti, Ava do të sjellë albumin e saj të parë, i cili me siguri do të jetë shumë i suksesshëm.
