Barcelona hedh hapin e sigurtë drejt gjysëmfinaleve, ndërsa Juventus ndalet në barazim 1-1 nga një Ajax i bukur, por që tregoi mungesë eksperiencë dhe në fund edhe mund të ishte ndëshkuar keq. Në dy sfidat çerekfinale Champions League rezultatet janë të hapura për kthimin, por 0-1 i marrë në transfertë nga Barcelona pak i lë për të shpresuar angelzët e Manchester United.
Barcelona "fik" Old Trafford duke mundur 1-0 Manchester United dhe lehtëson rrugën e saj drejt gjysmëfinaleve të Ligës së Kampioneve. Vendimtare ishte një goditje me kokë e Luis Suares në minutën e 12'-të, e pamundur të shmangej për shkak të një devijimi të pafat të Luke Shaw: goli u vlerësua falë teknologjisë VAR, pas dyshimit të italianit Rocchi për një pozicion jashtë loje të sulmuesit uruguajan. Nuk mungoi as një episod me Lionel Messi-n, që u gjakos në minutën e 29'-të, pas një ndërhyrje nga Smolling. Më pas, pjesa dërrmuese e lojës ishte një rezistencë e suksesshme e blaugranave ndaj "zgjimit" të Djajve të Kuq.
https://cdnja.r.worldssl.net/mp4/l5/L5vO.mp4
Në "Cruijff Arena" mes skuadrës së Allegri-t dhe asaj të Ten Hag gjithçka ka përfunduar 1-1. Në pjesën e parë bardhezinjtë kanë rrezikuar dhe vuajtur shumë, por kanë zhbllokuar takimin falë një goditje të shkëlqyer me kokë të CR7 në minutën e 45'-të. Në pjesën e dytë Neres ka barazuar menjëherë llogaritë në minutën e 46'-të me një të djathtë të bukur, ndërsa Douglas Costa godet shtyllën në fund të ndeshjes. Protesta të bardhezinjve për një faull në zonë ndaj Bentacur. Me kalimin e minutave, Ajax pati dëshirë për të shënuar edhe të dytin, por shifrat mbetën të pandryshuara deri në fund të takimin.
https://cdnja.r.worldssl.net/mp4/pm/pmWa.mp4
