Më keq se kaq Real Madrid nuk kishte arritur gati kurrë të bënte. Një shkatërrim në të gjithë frontet, duke nisur nga trajnerët: tre në një sezon, më parë Julen Lopetegui, pastaj Santiago Solari e tani Zinedine Zidane, që dukej njeriu me prekjen magjike e që e ndërpreu serinë e tij pozitive duke u mundur nga Valencia. È mbi të gjitha, numri i golave të pësuar është ai që ka tërbuar tifozerinë.
Real pëson 1,24 gola për ndeshje duke llogaritur kampionatin (36 në 30 ndeshje, gati dyfishin e Atletico), Champions League (10 gola të pësuar për një mesatare prej 1,25), Kupën e Mbretit (9 gola të pësuar, mesatarisht 1,12), Superkupën Europiane (4 gola në një ndeshje) e Botërorin e Klubeve (1 gol i marrë në dy ndeshje). Në total janë 60 gola të pësuar në 49 ndeshje. Më keq nga ana numerike (por me mesatare të ndryshme) kanë bërë vetëm fundi i renditjes Huesca e Sevilla (60 si Real por në 52 ndeshje, kështu që me një mesatare më të mirë).
Ndeshja e humbur kundër Valencia ka përfaqësuar humbjen e 15 në sezon: 9 në Liga, 3 në Champions League, 2 në Kupën e Mbretit e 1 në Superkupën Europiane. Herën e fundit që Real Madrid kishte arritur në kuotën 15 humbje, ishte në sezonin 1993-94 kur u rendit në vendin e katërt në kampionat, u eleminua në cerekfinale të Kupës së Kupave kundër Paris Saint Germain e u turpërua nga Tenerife në cerekfinale të Kupës së Mbretit.
Ka ende kohë për të bërë më keq: mbeten edhe 8 ndeshje zyrtare deri në fund të sezonit, e pamundur për të arritur Barcellona në krye të klasifikimit, vështirë ti marrësh vendin e dytë Atletico Madrid. E atëherë mjafton të humbësh gjysmën e ndeshjeve (4 në 8) për të barazuar rekordin historik prej 19 humbjesh vendosur në 1985, kur Real coi në shtëpi një trofe, duke mundur hungarezët e Videoton në finalen e Kupës Uefa, duke mbërritur i pesti në kampionat e duke u eleminuar në 1/8 e Kupës së Mbretit nga Athletic Bilbao.
Në histori, Real nuk ka arritur kurrë më shumë se 17 pikë diferencë nga rivalët historikë të Barcellona. Në këtë moment është -13 e në lojë janë ende edhe 24. Edhe në këtë rast, duke konsideruar gjendjen në të cilën ndodhet skuadra, rekordi mund të thyhet.
