Christian Panucci është larguar nga drejtimi i Kombëtares së Shqipërisë, por efekti i dështimeve të teknikut italian vazhdon të ndihet për kuqezinjtë, të paktën edhe këtë herë. Pas rezultateve në kualifikueset e Europianit 2020, humbja me Turqinë (ndeshja e fundit e teknikut në detyrë) është zbutur disi vetëm nga fitorja me Andorrën, që gjithësesi nuk ka shmangur dot një tjetër zbritje në renditjen e skuadrave përfaqësuese të dizenjuar nga FIFA.
E parashikueshme që renditja e Shqipërisë do të ishte më e ulët duke parë rezultatet e fundit të Panuccit, që nuk mund të mos reflektoheshin në klasifikim. Shqipërisa ka zbritur një pozicion e tashmë renditet në vendin e 62 me 1368 pikë të grumbulluara. Triumfi ndaj Andorrës si duket nuk i ka mbushur mendjen insitucionit të futbollit për ta mbajtur ekipin kuq e zi në vend numero. Është për të ardhur keq, që edhe kundërshtarë modestë, të jenë para Shqipërisë (si Burkina Faso apo edhe Katari, skuadër kjo e fundit që e kemi mundur në miqësoren e 2016-tës).
Kosova ka pak kohë që është bërë pjesë e Fifa-s, po kjo nuk e ka lejuar përfaqësuesen më të re të Europës të njohë progrese e të hedhë hapa të rëndësishëm përpara në renditje. Kosova renditet në vendin e 127, me 1124 pikë. Ekipi i Challandes ka kaluar 3 vende, si pasojë e rezultateve pozitive në kohët e fundit, barazimin me Danimarkën në miqësore, e atë me Bullgarinë në kualifikueset e Europianit, që janë reflektuar edhe në renditjen e fundit të FIFA-s.
