Reginaldo i jep fund frikës së Ramdan Ndreut dhe shpresave të Teutës me golin që vendosi suksesin 1-0 në Elbasan Arena, në ndeshjen e kthimit të cerekfinaleve të Kupës së Shqipërisë. Pas atij barazimi dramatik 2-2 në ndeshjen e parë, për teknikun e kuksianëve ishte shansi i fundit për të insistuar të shpëtojë sezonin me një trofe, që do të kishte vlerë edhe për të personalisht.
Goli i mozambikasit e bën Kukësin ekipin e fundit që pret një biletë për në gjysmëfinalet e Kupës së Shqipërisë, duke i dhënë temp një ndeshje të luajtur kujdesshëm nga të dy skuadrat. Rezultati me golat në fushë kundërshtare e kishte bërë Kukësin të luante në pritje, gjë që u mundua ta shfrytëzonte Teuta me Bushiç, por pa sukses. Ndoshta Shkëmbi kishte menduar sulmin e plotë në 45 minutat e dyta, por goli i minutës së 61, në asist perfekt të Cordeiros komplikoi keq idetë e durrsakëve.
Për kualifikimin e Teutës, në 30 minutat e fundit, duheshin dy gola, gjë që vështirë se mund të arrihej, por nervat për një mundësi të cuar dëm lëshuan në fundin e takimit, kur pas një sherri në fushë, u ndëshkuan mbrojtësi Frashëri i Teutës, dhe Cordeiro tek Kukësi, gjë që do ta penalizojë brazilianin të jetë në fushë për gjysëmfinalen e vajtjes.
Gjysëmfinalistët:
Kukësin, është skuadra e fundit që arrin gjysëmfinalet e kompeticionit, duke iu bashkuar Tiranës, Skënderbeut dhe Luftëtarit, që do të mësojnë se cilin do të kenë kundërshtarë me short të lirë.
