Cristiano Ronaldo, sulmuesi i Juventusit, është kthyer të flasë për ish-skuadrën e tij, Real Madrid. Portugezi, i ngacmuar nga RMC Sport 1, ka folur për teknikun francez të merengues Zinedine Zidane, një njeri që e njeh mirë dhe e vlerëson e me të cilin ka fituar tre Champions League radhazi: “Besoj që Zidane e di se si administrohet një skuadër në mënyrë të zgjuar. Nuk është një situatë e lehtë, të gjithë lojtarët do të pëlqenin të luanin më shumë. Por ai e di mirë si punohet në mënyrë të zgjuar dhe kërkon gjithmonë të përfshijë të gjithë lojtarët në projekt”, ishin fjalët e portugezit mbi situatën në shtëpinë e Real Madrid, që pas largimit të tij ka përjetuar një periudhë të errët, duke dalë që në muajin mars jashtë cdo objektivi sezonal.
