Carine Roitfeld do të marrë një rol të ri në markën e Karl Lagerfeld, pas vdekjes së dizajnuesit të famshëm. Ajo është emëruar këshilltare stili e markës dhe ka nënshkruar që këtë rol ta mbajë për tre sezonet e ardhshme.
Gjatë gjithë karrierës së saj, Carine bashkëpunoi ngushtë me Lagerfeld në shumë raste, duke përfshirë librin e titulluar “The Little Black Jacket”, si dhe bashkëpunimin e Lagerfeld me H&M në vitin 2004. Ajo gjithashtu ka punuar ngushtë me markën në muajt e fundit, si koleksioni “The Edit By Carine Roitfeld”, i cili do të prezantohet këtë shtator.
“Jam e bekuar dhe mirënjohëse që kam pasur mundësi të punoj me Karl-in për kaq shumë vite, kemi ndarë jo vetëm një marrëdhënie profesionale, por një miqësi të rëndësishme. Ai gjithmonë do të jetë një legjendë, i cili ripërcaktoi nocionet e modës dhe të fotografisë. Është nderi im të bashkëpunoj me markën e tij si këshilltare stili”, thotë Carine.
Carine Roitfeld është një editore mode franceze, ndërsa kujtojmë se ka qenë ish-kryeredaktore e “Vogue Paris”.
