Inter duket se i ka idetë e qarta. Luciano Spalletti ka një kontratë edhe për dy vitet e ardhshme, me një pagë prej 4 milion euro të plota në vit, por në fund të kampionatit mund ta mbyllë aventurën e tij në pankinën e Interit. Të dhënat thonë se zikaltrit janë në gjurmët e Mourinho, Allegri e mbi të gjithë Antonio Conte.
Për ish-trajnerin e Juventus e Chelsea në veçanti, sipas Corriere dello Sport dhe Tuttosport, pronarët kinezë të Suning i kanë kërkuar sponsorit të madh të klubit një buxhet shtese për financimin e angazhimit të trajnerit dhe të fushatës së blerjeve në merkato. Në planet e Inter janë vendosur tashmë mbrojtësi italian Matteo Darmian (Manchester United), mesfushori kroat Ivan Rakitic (Barcelona) dhe sulmuesi boshnjak Edin Dzeko (Roma).
