28-vjeçari Brenton Tarrant, i cili vrau 50 besimtarë mysliman në dy xhami në Zelandën e Re, ka bërë ankesë zyrtare për shkak se për të nuk ka vizitorë dhe ngaqë nuk i lejohet telefoni në qeli.
Ai është duke u mbajtur në izolim në burgun e Auckland në Paremoremo, akuzuar për 50 vrasje dhe lëndimin e disa personave të tjerë.
Tarrant ka kritikuar autoritetet, duke thënë se ata “po i privojnë gjëra me rëndësi për të”. Ai kishte dërguar një ankesë pranë Departamentit të Korrektimeve, ku shkruante: “Po më mohohen të drejtat më elementare. Nuk kam vizitor në burg dhe nuk më lejohet as celulari”, tha ai, raporton “The Sun”.
Megjithatë, departamenti mund të aplikojë përjashtime në rrethana të caktuara “për arsye sigurie, ruajtjes së rendit ose qëllime të tjera madhore”. Tarrant akuzohet se ka sulmuar xhaminë Al Noor në Christchurch gjatë lutjeve të së premtes. Ai hapi zjarr dhe vrau 41 persona. Më pas ai shkoi në një tjetër xhami, ku gjuajti disa herë me armë dhe për rrjedhojë, numri i viktimave arriti në 50.
