Në kërkim të rimarrjes së kreut të Premier League, Liverpool nuk mund ti lejojë vetes gabime, edhe në ndeshje delikate si ajo në Anfield Road kundër Tottenham. Ritmi i kryesuesve të Manchester City është i lartë dhe të kuqtë kishin nevojë për një fitore kundër londinezëve të vendit të tretë, për të mbajtur presionin mbi të besuarit e Guardiolës.
https://cdnja.r.worldssl.net/mp4/d7/d72A.mp4
Në javën e 32 të Premierligës Liverpool është imponuar vetëm në fund, ose më saktë ishte Tottenham që bëri dhuratën në kohën shtesë me autogolin e Toby Alderëeireld që vendosi ndeshjen. 29 vjet pa titull janë shumë për një klub si ai i Merseyside ndaj dhe të kuqtë nuk duan të heqin kurrësesi dorë nga tentativa për ta kthyer kampionatin në Liverpool.
https://www.televizioni.tv/upload/videos/2019/03/wkxIXM7LWCwbB9lMGWhl_31_5cdee6d78dc9a75da6c56b049c7cb4c1_video_720p_converted.mp4
Avantazhi i shpejtë i skuadrës së Klopp me Roberto Firmino, në minutën e 16’, e bëri të dukej e thjeshtë, por në fakt nuk ishte. Pocchetino kishte në dispozicion të gjithë kampionët e tij dhe në të 70 barazoi rezultatin me brazilianin Lucas Moura, duke e bërë të dukej si një asist për Citizens, që duhet ende të luajnë. Vetëm se asist i vërtetë ishte ai i Alderëeireld, që shënoi në portën e tij në fund të ndeshjes, duke i dhënë fitoren Liverpool, që proviziorisht rikthehet në vendin e parë me 79 pikë, 2 më shumë se Manchester City, që duhet të luajë derbin me Manchester Unitedin.
