Javën e kaluar, në media qarkulloi lajmi se Lady Gaga kishte nisur një histori të re me aktorin e njohur të Avengers, Jeremy Renner.
Në fakt lidhja e re e yllit të “A Star is Born”, u prit mirë nga fansat e saj, kjo pasi të dy shkojnë shumë si çift. Gjithsesi një burim i afërt me këngëtaren ka folur për thashethemet që po qarkullojnë dhe për marrëdhënien e Gaga-s me ish-të dashurin Christian Carion: “Chris nuk ishte duke e trajtuar mirë këngëtaren nga fundi i lidhjes së tyre dhe ajo gjeti mbështetje tek Jeremy për ti rrëfyer problemet e saj.” Edhe pse nuk konfirmohet nëse ata janë përfshirë në romancë, mësohet se kanë qenë shumë të afërt këto kohë dhe janë parë shpesh në shoqërinë e njëri-tjetrit. Madje Gaga është parë duke dalë dhe me vajzën 6-vjeçare të Renner.
