Një film biografik do të jetë në ekranet e mëdha të kinemave botërore dhe ka të bëjë me grupin, “Sex Pistols”, ku së bashku me “The Clash”, konsiderohet si bendet më të rëndësishme të muzikës punk në Britani të Madhe.
Kompania britanike e prodhimit “Starlight Films” ka punuar në filmin rreth grupit legjendar për 18 muaj dhe në qendër të tregimit, do të jetë menaxheri i fundit i grupit, Malcom McLaren dhe stilisti i famshëm, Vivien Vestvud.
Përveç tyre, filmi do të ndjekë karrierën e Sex Pistols nga vitit 1975 deri në vitin 1978.
“Ne ishim të impresionuar me numrin e biletave të shitura për ‘Bohemian’, gjë që vetëm tregon se ka një oreks të madh audiencë për filma të tillë”, tha Aysha Planket për The Daily Star.
