Në ndeshjen e dytë të kualifikueseve në Euro 2020, Italia merr zvarrë 6-0 Liechtenstein, duke ruajtur vendin e parë të grupit J me pikë të plota. Në fakt një ndeshje pa histori në Tardini, me skuadrën e Mancinit që gjen avantazhin me Sensin në të 17', pastaj Verratti dyfishon shifrat në të 32', përpara se veterani Quagliarella të shënojë dygolëshin personal në të 35' e 48', duke u bërë shënuesi më i vjetër në historinë e kombëtares italiane. Ka lavdi përsëri për talentin Kean (70') e Pavoletti, gol në debutim (77').
Në Grupin D Irlanda ruan pikë të plota, me një fitore minimale kundër Gjeorgjisë, por që e mban në vendin e parë, përpara Zvicrës që befasohet në shtëpi nga një Danimarkë kurajoze, që në një pjesë loje rikuperon tre gola ndaj helvetëve. U duk e kryer pas golave të Freuler, Xhakës e Embolo, por danezët janë kthyer në pjesën e dytë me Joergensen, Gytkjaer e Dalsgaard, duke barazuar rezultatin me tre gola në 6 minutat e fundit.
Spanja është padrone e grupit F dhe likuidon Maltën pa probleme me dygolëshin e Alvaro Morata, duke mbajtur kreun me pikë të plota. Spektakolare sfida në Norvegji ku vikingët janë barazuar 3-3 në derbin nordik me Suedinë. Një ndeshje rokambolske e ku dy gola janë shënuar në kohën shtesë. Fiton Rumani thjesht përballë Ishujve Faroe dhe ngjitet në vendin e tretë pas Suedisë.
EURO - Qualification:: group D
Ireland 1 - 0 Georgia
Switzerland 3 - 3 Denmark
EURO - Qualification:: group F
Malta 0 - 2 Spain
Norway 3 - 3 Sweden
Romania 4 - 1 Faroe Islands
EURO - Qualification:: group J
Armenia 0 - 2 Finland
Bosnia and Herzegovina 2 - 2 Greece
Italy 6 - 0 Liechtenstein
