Ish-deputeti i PD-së Ervin Salianji i cili është i marrë si i pandehur për dosjen “Xhafaj-Babale”, për kallëzim të rremë, ka publikuar sot një Facebook një përgjim të ri. Përgjimi lidhet me historinë e Bables. Biseda e regjistruar është mes drejtorit të policisë Fier, Berti Nushi dhe Fredi Alizotit pasi ky i fundit ka dhënë “dëshminë e sajuar.”
Përvecse dëshmia e Alizotit është e sajuar, ky skandal tregon ndër të tjera edhe nënshtrimi e Policisë së Shtetit për interesa politike të Edi Ramës dhe Fatmir Xhafës.
Drejtori i Policisë në Fier, zyrtari më i lartë i uniformave blu në atë qark, i ofron lekë Alizotit për të dhënë dëshminë që i interesonte Edi Ramës dhe Fatmir Xhafës.
Biseda e drejtorit të policisë me një njeri me precedentë penalë është e pazakontë për një zyrtar të nivelit të lartë, por në fakt ajo tregon batakun se ku ka rënë sot Policia e Shtetit dhe si po përdoret ajo për interesa politike.
“Piovra. Episodi 1.v Në pafundësinë e komunikimeve mes zyrtarëve të policisë dhe deshmitarit të sajuar për Xhafajgate! Komunikimi ne 00:30 të natës mes drejtorit të policisë Fier dhe Alizotit pasi ka dhënë dëshminê e sajuar! Përgjimi është zyrtar i Prokurorisë, komunikim +18″, shkruan Salianji në Facebook.
Ndërkohë më poshtë është transkripti i bisedës së përgjuar.
" Biseda e trasnkriptuar
Numri është i telefonit të drejtorit të policisë së Fierit, Bert Nushi
Ora 12:28 e natës
Drejtori: Fredi,
Fredi: Ai është b.q prokuror, të më thotë ai mua…
Drejtori: Ku je, se nuk..
Fredi: Dëgjo mua, atë që kam nisur…eee
Drejtori: Ku je në Fier apo jo,
Fredi: Të kam q.. robt, atë që kam nisur nuk e kthej mbrapa, a ti thosha të kam q…motrën mu në p…
Drejtori: Fredi, po më dëgjo, Frediii
Fredi: Unë nuk di si më lini në rrugë mua, vari k muhabete, i ka marrë në dorë Gramozi këto punë
Drejtori: Se jam në vendngjarje tani, ça do, më thuaj
Fredi: Do më dërgosh njeri që të flas
Drejtori: Jam në Fier kam një ngjarje, jam në Ballsh
Fredi: E mban mend ku me ke lënë herën e parë, më dërgo njeri për cerek ore,
Drejtori: Ka mundësi të mos më kapë telefoni se jam në vendngjarje
Fredi: E dëgjon, aty ku më le, e mban mend
Drejtori: Po do të nis unë njeri me lekë
Fredi: Po e kape, e do troç, e kap, jam në mes të rrugës."
Rasti Babale.
Përmes një audio-përgjimi të publikuar në një media online në Shqipëri, dhe që më tej u kthye edhe në akuzën e opozitës ndaj qeverisë, u pretendua se Agron Xhafaj, vëllai i ish-ministrit të Brendshëm, Fatmir Xhafaj, fliste me Albert Veliun, njohur si “Babale” për pazare droge. Por zëri i audios rezultoi të mos ishte i Agron Xhafës.
