Priyanka Chopra dhe Nick Jonas janë ndër çiftet e showbizit botëror që adhurohen nga publiku dhe ata do mbahen mend gjatë për ceremonitë e shumta të dasmës.
Së fundmi bukuroshja ka qenë e ftuar në “The View” prej ku ka rrëfyer një të metë të saj. 36-vjeçarja ka deklaruar ndër të tjera se ajo nuk di të gatuajë.
“Ai vjen nga një shtëpi e mirë jugore ku mamaja e tij gatuante gjithnjë dhe unë nuk jam ashtu. Unë di të përgatis vezë dhe kafe, kaq. Jam një bashkëshorte e tmerrshme në këtë pikë!”- vijoi të sqaronte Priyanka.
Por ylli i muzikës Nick Jonas kur ka mësuar se ajo nuk di të gatuajë i ka dhënë një përgjigje mjaft suportuese: “Mos u shqetëso vogëlushe, as unë nuk di!”
Aktorja me famë botërore lidhur me këtë është shprehur se është ndjerë shumë mirë duke theksuar se shumica e meshkujve nuk janë si Jonas.
Rikujtojmë se dhurata e parë që Nick i ka bërë Priyanka-s ka qenë një super makinë, “Maybach” që ka kushtuar plot 169,595$. Kjo erdhi pasi kënga e tij “Sucker” u listua në vend të parë në “Billboard Hot 100”.
