Pas përmbysjes së madhe kundër Atletico Madrid, kundërshtar i Juventus në cerekfinale të Champions League do të jetë Ajax. Edhe pse hollandezët janë skuadra zbulim i kompeticionit pasi eleminuan Real Madrid duke shënuar 4 gola në Bernabeu, shorti për bardhezinjtë ka qenë i favorshëm. Në fakt sfida me Ajax i kthen hollandezët në të shkuarën, kur humbën Kupën e Kampionëve në maj të 1996 në finalen e Romës. Atë mbrëmje në stadiumin Olimpico ishte edhe David Endt, ish-mesfushori që më pas u bë menaxher i skuadrës, që ka ndezur cerekfinalen me disa deklarata që do të bëjnë shumë të diskutojnë: "Kemi dëshirë për hakmarrje për atë finale të ’96 - ka thënë ai për Radio Kiss Kiss – Juventus i atëhershëm u tregua se ndoshta ishte pak me doping, të dhemb akoma të humbasësh kështu".
“Juventus është favorite, mbi këtë nuk ka dyshime - shtoi hollandezi – por Ajax e ka treguar veten një skuadër në lartësinë e duhur. Ai kujtim i të shkuarës është një stimul më shumë për të fituar, me gjithë respektin për Juventus". Fjalë që ndezin që tani një ndeshje të destinuar të luhet jashtë dhe brenda fushës.
