Pas një jete me Arsenalin, Arsen Wenger, ka mbyllur një cikël dhe është përsëri atje ku “Topçinjtë” janë duke provuar përsëri të rinisen. Ish-trajneri historik, pas shortit që ka vënë përballë skuadrën e tij me Napolin, ka dhënë disa deklarata për Il Mattino: “Do të jem një tifoz i Arsenalit mbrëmjen e ndeshjes me Napolin, ashtu sikurse në të gjitha takimet - tha ai -. Nuk dua t’i jap këshilla Emery. E dua Karlo Ançelotin, një prej teknikëve më të mëdhenj nga të gjithë, një maestro i vërtetë në mënyrën se si punon me skuadrën e tij. Por Arsenali është një skuadër e madhe dhe për Napolin do të jetë një detyrë shumë e vështirë për të provuar për të kaluar raundin”.
