Fituesi i çmimit “Oscar”, Morgan Freeman iu bashkua kastit të aktorëve të vazhdimit të filmit “Hitman’s Bodyguard”. Filmi i dalë në vitin 2017 bëri bashkë Ryan Reynolds dhe Samuel L. Jackson në një komedi-aksion në stilin e “Lethal Weapon”.
Në këtë film tregohej një truprojë elitare që mbron jetën e një vrasësi me pagese të famshëm të vendosur për të dëshmuar në Gjykatën Ndërkombëtare Penale. Nuk dihet ende se çfarë roli do të interpretojë Freeman, por mësohet se Ryan Reynolds dhe Samuel L. Jackson do të jenë përsëri në këtë projekt.
