Thuajse 3 javë pas zbulimit të skandalit të flirtimit me Tristan Thompson, Jordyn Woods i rikthehet mediave sociale. Ajo postoi disa “selfie” në të cilat përfshinte femrat dhe Zotin, por dhe tregoi modelin e saj të ri të flokëve.
“Nëse po e lexon këtë, Zoti të ka dhënë një ditë tjetër për t’u zgjuar dhe për të qenë mirënjohëse dhe më e mirë sesa ishe dje”, shkroi ajo në postimin e publikuar në Instagram.
21-vjeçarja gjithashtu festoi Ditën e Gruas me disa nderime për femrat që admiron, për kontributin që kanë dhënë në ndikimin e shoqërisë në ditët e sotme.
Ajo publikoi fotot e 13 grave të njohura: Malala Yousafzai, Maya Lin, Mia Hamm, Melinda Gates, Sheryl Sandberg, Michelle Obama, Tarana Burke, Oprah Winfrey, Wendy Kopp, Wangari Maathai, Ava DuVernay, Maya Angelou dhe Gloria Steinham.
Gjithashtu ajo bëri edhe një dedikim për nënën, duke e cilësuar si gruan më speciale të jetës së saj.
