Aktorja turke Beren Saat ka tërhequr prej kohësh vëmendjen e mediave për ndarjen e mundshme nga bashkëshorti i saj, muzikanti Kenan Dogulu. Çifti që u martua 5 vite më parë mësohet se është në proces divorci, pasi jetojnë prej pak kohësh të ndarë.
Ndërsa bashkëshorti i aktores i mohoi zërat për ndarjen, Beren Saat është dalluar e vetme në Kuruçeşme, Stamboll.
Ajo mësohet se është pyetur nga mediat nëse çifti ka vendosur të divorcohet.
“Më jepni pak kohë, më lini të mendohem”, raportohet se ka qenë përgjigja e saj sipas mediave vendase.
Beren, e njohur për rolin e saj Bihter në telenovelën turke “Dashuri e ndaluar”, pak kohë më parë fshiu të gjitha fotot e dasmës nga rrjetet sociale.
