Juventus është shkatërrimtar në ndeshjen hapëse të javës së 27 të Serie A, duke fiksuar një 4-1 bindës ndaj Udinese, pavarësisht një turnover total të aplikuar nga Allegri. Pa Cristiano Ronaldo, pushim në pritje të Champions, skenën e rrëmben 19 vjecari Moise Kean me një dygolësh në minutën e 11' e 39', penalltinë e fituar dhe numra zbavitës për tifozët në Allianz Stadium.
https://cdnja.r.worldssl.net/mp4/rg/rGNg.mp4
Sulmuesi është lojtari i ndeshjes për bardhezinjtë dhe statistikat janë impresiunuese për djaloshin: në ndeshjen jubilare, e 200 për bardhezinjtë në Stadium, që nga inaugurimi në 2011/12, Kean fiksoi dygolëshin e parë me fanellën bardhezi, duke u treguar vendimtar në suksesin e 159 për bardhezinjtë dhe duke u bërë (19 vjec, 8 ditë) lojtari më i ri i kampionëve të Italisë që shënon dy gola në një ndeshje të kampionatit, që nga Giuseppe Galderisi (18 vjec, 329 ditë) në shkurt 1982. Kean ka realizuar 3 gola në dy ndeshje si titullar me bardhezinjtë në këtë sezon, duke u bërë shënuesi i 16 i Juventus në këtë Serie A (askush nuk ka shënuar me më shumë lojtarë).
https://cdnja.r.worldssl.net/mp4/5z/5ZVz.mp4
Me mendjen në ndeshjen e kthimit kundër Atleticos, ku duhen rikuperuar dy gola, Juventus dha sinjalin e duhur. Bardhezinjtë kanë shënuar të paktën tre gola në katër ndeshje radhazi në shtëpi në Serie A dhe kjo është e dhëna e duhur për të shpresuar kualifikimin në Champions. Një tjetër e dhënë pozitive për Allegri është edhe rendimenti i Emre Can. Mesfushori nuk shënonte në dy ndeshje radhazi të kampionatit që nga nëntori 2016, në Premier League me fanellën e Liverpool.
https://streamgoals.com/cache/3173c3c7e9.mp4
Udinese, me golin e Lasagna, rigjeti rrjetën në transfertë në Serie A, që i mungonte që nga nëntori kundër Empoli, duke ndërprerë një thatësirë prej 543 minutash. Nuk e ndihmoi Udinese të bënte më mirë edhe fakti që për herë të parë në këtë kampionat në formacion nuk kishte asnjë italian.
