Ndonëse Saimir Pirgu, i cili deklaroi pak ditë më parë se i duhen 200 mijë shfaqje për të rikuperuar një gomë të djegur në Tiranë, i ka thënë Adi Krastës se ai nuk dëshiron që deklaratat e tij të përdoren nga politikanët Edi Rama nuk ka pyetur për këtë. Ai sot në parlament i është referuar fjalëve të tenorit për të treguar se protestat si ato të opozitës i bëjnë dëm Shqipërisë.
“Saimir Pirgu e tha mirë “më duhen 200 mijë koncerte për të hequr nga sytë e njerëzve pamjen e gomës që digjet para parlamentit, se nuk kanë kohë njerëzit që shohin në Itali për të kuptuar më shumë ato pamje, thjeshtë rikthejnë fantazmën e vjetër të një shoqërie që është në kaos e jo më mundësi për investitorët e ekonomisë.
Lexo më tej:
Andi Bushati: Pirgu i panevojshem i mllefit me Saimirin
Ndërkohë që investitorët italianë janë të interesuar për Shqipërinë, para pak ditësh një i madh ka hyrë në manifakturë, kjo prek çdo shqiptarë”, u shpreh Rama, duke e përdorur si gomë shpëtimi Saimir Pirgun.
Pas zhurmës që krijoi në rrjetet sociale deklarata e Pirgut që i shkonte në favor pushtetit personal të Edi Ramës ai u përpoq të sqarohet me një intervistë për Adi Krastën nga Tokio (poshte).
https://youtu.be/LXzAkrtvqFU
“Nuk jam penduar për gjërat që kam thënë, por habitem nga mënyra se si janë transformuar fjalët e mia. Shumë gjëra nga Shqipëria më duken absurde. Nuk e kam me popullin, me ata që protestojnë. Më irritojnë ata që e përdorin popullin për qëllimet e tyre. Më irriton fakti kur nëpër botë na tregojnë me gisht dhe na thonë që ne jemi si popujt e Afrikë, se nuk dimë të bëjmë shtet” tha dje ai “A Show” në News 24.
©Lapsi.al
