Rita Ora ndaloi koncertin e saj në Sidnej, pasi një fans kërkoi të thoshte diçka gjatë performancës së saj. “Mund ta ndalojmë shfaqjen. Të gjithë ndaloni. Adam ka një pyetje”, tha këngëtarja 28-vjeçare.
Adam kërkoi nëse mund t’i afrohej më shumë skenës, ndërsa Rita iu përgjigj “Po bëhesh pak nazeli i dashur. Të gjithë kanë blerë një biletë për këtë shfaqje. Na vjen keq djema”.
Ndërsa djali arriti t’i afrohej më shumë skenës, Rita mund të dëgjonte komplimentin e tij që po mundohej që ta thoshte me zë të lartë gjatë performancës së këngëtares.
“Adam sapo pranoi që erdhi në shfaqje duke mos e ditur se çfarë e priste dhe unë tani fitova një fans”, tha me krenari Rita.
