Në daljet mediatike, këngëtarja Greta Koçi është mjaft diskrete kur flet për jetën e saj private.
Mirëpo kur bëhet fjalë për ndjekësit e saj në Instagram, Greta bëhet paksa më tolerante.
Shpeshherë ajo iu jep atyre mundësinë që t’i bëjnë pyetje të ndryshme rreth jetës private dhe pothuajse gjithmonë Greta e ka një përgjigje për ta. Madje në disa raste jep edhe përgjigje me detaje dhe mjaft të thelluara.
Ndërkohë, së fundmi, një nga ndjekësit e ka pyetur: “Cila këngëtare e Kosovës mendon ti që s’ka fare vesh për muzikë? Emrin të lutem.”
Përgjigja e Gretës është mjaft diplomate: “Gjersa është bërë e njohur dhe gjersa ju e cilësoni këngëtare, atëherë s’mund ta gjykojmë dhe t’i themi se s’ka vesh muzike.”
Pas kësaj, ajo vijoi sërish me përgjigjen e saj: “Pyetja mund të ishte: Cila nga “modelet”, “prezantueset”, “Miss- et” është bërë këngëtare dhe pse s’ka lidhje me këngën?! Kësaj pyetje ja jepni ju vetë përgjigjen, se janë aq shumë dhe aq të dukshme sa ia bëjnë muuuu!”
Me kë e ka vallë Greta? Ajo nuk përmendi emra konkretë, mirëpo janë të shumta në numër modelet apo prezantueset shqiptare të cilat përpos profesionit të tyre, kanë lëvruar talentin në një tjetër fushë, në atë të muzikës.
