Paris Saint Germain nuk e ka diskutuar aspak kalimin në gjysëmfinalen e Kupës së Francës, duke shkatërruar 3-0 Dijon. Pa Neymar e Cavani të dëmtuar, tekniku i parisienëve Tuchel nuk ka pasur nevojë as për Kylian Mbappe për të mposhtur skuadrën që në kampionat renditet e parafundit. Protagonist absolut Angel Di Maria me dy gola të shënuar, që përmirëson shifrat sezonale, duke e cuar në 5 numrin e golave të shënuar në 9 ndeshjet e luajtura në këtë sezon.
https://cdnja.r.worldssl.net/mp4/qq/QQPW.mp4
Argjentinasi ishte spektakolar në minutën e tetë, duke shënuar golin e parë me një parabël që shtangu portierin e Dijon. Numri 11 i PSG u përsërit njëzet minuta më vonë, duke dyfishuar shifrat dhe duke konfirmuar një performancë të rëndësishme në mungesë të yjeve të mëdhenj të kryeqytetasve.
https://cdnja.r.worldssl.net/mp4/ln/lNjZ.mp4
Thomas Meunier kompletoi trisin parisien 15 minuta nga fundi, duke i dhënë kështu PSG të qendrojë në garë për tre trofetë në këtë sezon, duke qenë se është shkëputur ndjeshëm në krye të kampionatit, ka siguruar një fitore të rëndësishme në Champions 0-2 në Old Trafford duke qenë pranë cerekfinales, ndërsa arrin tashmë edhe gjysëmfinalen e Kupës së Francës.
